Pastori sardi: Sa Protesta de sos Pastores

23 Flares Facebook 20 Twitter 2 Google+ 0 LinkedIn 1 23 Flares ×

I pastori sardi non sono nuovi a forme creative ed originali di protesta. Oltre alle manifestazioni e ai sit-in ad effetto, i pastori hanno sviluppato le loro denunce anche con la poesia. Eccovi l’ultima, pubblicata sul sito ufficiale del Movimento Pastori Sardi.

 

 

Cappellazzu su sardu presidente
Mannu l’at fattu custu disacattu
Umpar’a issu s’assessore Pratu
Promissu at meda e fattu b’at niente.
Ma, Felicetto Floris seriamente
Una protesta in Cagliari b’hat fattu
E bi la sighit s’occupazione
Cun sos pastores intro sa regione!

Da e Trexenta a su Mandrolisai,
S’ischidat Logudoro e Goceanu,
Su Sulcis , Parteolla e Campidanu,
Cun sa Barbagia, Bitti, Orune e gai
Nurra, Caddura, Anglona mancu mai,
Planargia E Muntiverru a tenta manu
Ozastra e Gennargentu a manna oghe
“pastores sardos, benide a inoghe!”

E comente pintore bos dipingo
Su ch’han dezisu Cubeddu e Palitta:
S’Agri-Export in Ruju bo lu tingo
Ca su destinu e sorte est già iscritta,
Tenet sa sede in “Santo Domingo”
(de sos groddes est vera mama ‘e titta)
E bo lu canto seriu e cortesi,
Cun sa irgonza ch’han fattu in Thiesi!

Intàmbenes de dare su valòre
A su latte chi temos produire ,
Nos narant: “cust’est robb’e che frundire”.
(a pala tott’e s’antigu pastore)
Preferin casu chi no hat sabore
E cosas chi no sunt de congruire…
…politicantes, perfidas canaglia,
Ma… naro, como sighit sa battaglia!

“A sa vera intimare aspra battaglia”
(comente contaiat Padre Luca)
Battin casu romenu e arrundaglia,
Chi mancu ponner si podet in bucca.
“Dolce vita”, lu giamant ‘e Araglia
Lu gustan cun pumattas e lattucca,
E nos narant: devides imbarare,
Prite su casu ‘ostru est de vuliare!

Unu litru a sessanta non cunfaghet!
A bistar intro s’ispesa uguale,
Ca sas bessidas, custu si lu traghent
Sempr’a dannu ‘e su poveru animale.
A un’e vinti, nessi chi lu paghent
Pro resessire a salvare su cale,
Ca si no paret chi “neghe o no neghe”
Narat su dicciu… “nde pianghet s’arveghe!”

Sas bancas nos hant postu dom’allutta!
(iscramant sos pastòres de sa Nurre)
E partit sa idea in d’una iscutta
De frimmare su molu ‘e Portu Turre
Cun garrigos de petta, casu e frutta,
Los ant arresos a su curre – curre ,
M’azis a narrer de chi est sa neghe?
Si attin porcos baccas e biveghes?

S’acculumia sarda, nostru pane,
Salvesa, nostra liberassione,
Marotto, lu contaiat prus addane
Ma tempus como, paret pius rejone:
“miserinu e mischinu s’anzone,
Ch’isettat latte dae su mariane”
Su dicciu antigu, frimmu galu inoghe
Narat chi: su dolore ispinghe boghe!

Est beru, chi su dicciu antigu nadu,
Iscultadelu giaru, finzas ‘oe:
“Populu che’st felice e fortunadu
Cussu chi bisonzile no est d’eroes”
Roberto Fresi, restat signaladu
Da-e sa lotta de su deghennoe…
…e i sa zente totta in Oriolu
Babbu ‘e familia cun d’un oju solu!

Pastore, non t’arrendas de gherrare,
Bettamos tottu sa oghe sinzera,
no est tempus sos ojos de serrare
Sa protesta sighimus a manera!
Ardaresos, formade un‘ischiera,
Otieri, cun Siligo a falare,
A Casteddu, pro nd’aer un idea
A s’aunire sa Sardigna intrea!

Giovanni Tedde

di Andrea Demontis
(20 aprile 2011)

23 Flares Facebook 20 Twitter 2 Google+ 0 LinkedIn 1 23 Flares ×

Tags: , , , , , ,

Top post

Post recenti